A karon farko mace ta zama shugabar jami'ar tarayya UNIZIK dake birnin Awka a jihar Anambra.
Farfesa Carol Arinze-Umobi za ta hau kujerar shugabancin jami'ar bayan tayi nasarar cin jarabawar shiga ofishin.
Shugaban gudanar wa na jami'ar Ambassador Gregory Mbadiwe ne ya sanar da hakan jiya a Awka.
Shugaban ya ce, Carol za ta jagoranci jami'ar na tsawon watanni shida a matsayin mai rikon kwarya kamar yadda dokar jami'ar Act CAP 139 LFN ta tanada.
Carol Arinze-Umobi za ta fara aikin shugabancin Jami'ar gobe Litini 22 ga wannan watan.
Farfesa Arinze Umobi tsohuwar mataimakiyar shugaban jami'ar ce a baya, kuma ta goge a fannin Shari'a, musamman bangaren kare hakkin bil'adama.
