Wani dan sanda ya kashe mahaifin sa a Maiduguri, babban birnin jihar Borno, arewa maso gabashin Najeriya.
Lamarin ya faru ne a bayan ofishin rundunar 'yan sandan jihar Borno dake unguwar Modugannari a Maiduguri.
Dan sandan mai sunan Wadzani yana aiki ne a karkashin majalisar dokokin jihar ta Borno.
Mahaifin Wadzani shima Dan sanda ne da yayi ritaya a matsayin ASP.
Yanzu haka dai an cafke tare da tsare Wadzani a ofishin 'yansanda dake unguwar GRA a birnin Maiduguri domin gudanar da bincike.
