Kamfanin mai na NNPCL a Najeriya ya kara kudin litar man fetur daga Naira
1,030 zuwa Naira 1,060 a birnin tarayya Abuja.
Hakan ya faru ne yayinda wasu masu sayan man suka je wasu daga cikin gidajen man fetur na kamfanin a yau Talata.
Rahotanni sun nuna cewa ana sayarda man kan Naira 1,025 maimakon Naira 998 a birnin Legas da ke kudancin kasar.
Karin kudin litar man ya zo ne kasa da makwanni uku da kara kudin man.
